luns, 4 de novembro de 2013

COMEZAMOS...

OLA FAMILIA DE CONTACONTOS:

O próximo 18 de novembro celebraremos a 1ª sesión do club de lectura coa temática "Mulleres importantes" con motivo de sumarnos ao día "Contra a violencia de xénero" (25 de novembro) e a continuación faremos unha actividade que xire en torno a esta temática.

Seguro que todos e todas temos ou tivemos na nosa vida algunha muller especial (nai, avoa, tía, amiga...). O que vos propoñemos é que familia, nenas e nenos, e todos aqueles que vos apeteza nos contedes quen é a vosa "Muller Importante". 

Para isto, debemos traer unha foto das nosas mulleres importantes un pé de texto explicando porque é tan especial para nós.

Despois da sesión de lectura faremos un marco para as fotos con material de refugallo e decorarémolo a gusto.

Con todas estas mulleres importantes faremos unha exposición nos corredores do centro que durará ata o 25 de novembro, celebrando deste xeito o día contra a violencia de xénero e animando a toda a comunidade escolar a que reflexione sobre o papel tan importante que moitas mulleres teñen nas nosas vidas.

NON FALTEDES Á CITA! PASAMOS LISTA...

Ningún comentario:

Publicar un comentario