martes, 11 de febreiro de 2014

Cando casan os paxariños

Xa nos tardaba o mes de febreiro coa súa temática: "Animalarium". E é que non hai nada como un conto cheo de animais contado en boa compañía... e cando a protagonista é unha “Mosca Chosca" (de Eva Mejuto, Kalandraka) entón non nos atrevemos nin a pestanexar, non vaia ser que nos perdamos algún dous sete convidados...

Nesta ocasión, Xiana, Uxía e a súa nai foron a nosa familia de contacontos. Aquí podémolas ver todas xuntiñas, que así dá máis calorciño:


E como no noso cole se respira moito amor por todos os cantos, os nenos e nenas de 3 aniños sorprendéronnos narrando a historia: "Crocodilo namorado".



Pero isto non rematou aquí. Como sempre, ademais de gozar da lectura en voz alta, gústanos dar renda solta á nosa imaxinación. Así que, con tanto animal e cos carnavais á volta da esquina ¿quen se podía resistir?!... fixemos nosas propias caretas de animais e ben chulas que nos quedaron...




Ata 7 animais do bosque chegaron a entrar “Na casa da Mosca Chosca” a comer unha tarta de amoras. Trátase dunha adaptación dun conto popular ruso no que as súas rimas e ritmos nos fan xogar coa linguaxe e as ilustracións, chea de cores e persoaxes moi orixinais e divertidos, engancháronnos de principio a fin:


E como estamos no mes que “Casan os Paxariños” e no mes do amor, os nenos e nenas de 3 aniños non querían deixar pasar a ocasión e sorprendéronnos cunha marabillosa historia de amor entre Crocodilo e Xirafa. E é que cando estamos namorados somos quen de facer calquer cousa pola persoa que fai que teñamos bolboretas na barriga. Aquí podedes disfrutar das peripecias de "Crocodilo Namorado":

Para poder ver o vídeo fai clic na imaxe:


 
E para rematar puxémonos creativos. Pronto estarán aquí os carnavais e moitos de nós temos pendentes todavía os disfraces. Así que nada mellor que facelos nós mesmos:


Mirade o resultado, somos uns artistas!: 

  E aquí tedes o noso traballo exposto nos corredores no noso cole:


Esperamos que tivésedes disfrutado tanto coma nós!




2 comentarios:

  1. ¡¡NORABOA¡
    UN TRABALLO ESTUPENDO.

    SEGUIDE ASI E PROMETOVOS UNHA TARTA AO FINAL DO CURSO.

    ResponderEliminar
    Respostas
    1. NON PENSES QUE NOS IMOS ESQUECER, XA TEMOS APUNTADA A TÚA PROMESA!!

      Eliminar